«Кхадж тассара болх ший боарамагӀа дӀахьош ба. Хила дезача беса хоржамаш дӀадахьара, ер ма дий аьнна белгалдаккха йиш йолаш новкъа хӀама нийсдаланзар. Сага бокъонаш лораяра болча ГӀалгӀай Республикан болхлой тоабо белгалдир, геттара чӀоагӀа безам болаш, барт болаш хьаухаш нах хиннилга кхадж тоссаш хиннача даькъ тӀа. Иштта бахархошта хьалхадаьккхадар, 20:00 сахьат даллалца кхадж тасса йиш хилар. Нагахьа санна харцо юкъе нийсъенна моттиг хилча, сага бокъо лораяра йолча республикан болхлой «горячи лини» оалача номерах телефон тоха йиш хилар: +7963-172-42-70», — аьлар «Сердало» газетага ГӀалгӀай Республикан сага бокъонаш лораерий хоамий-аналитически секторе. ГӀалгӀайчен сага бокъонаш лораяра викал ваьча ЦӀечой ИбрахӀима кхадж тессар, МагӀалбика кхален Кердача Реданта № 24 йолча ишколе хиннача № 515 йолча хоржамий даькъ тӀа. «Цу даькъ тӀа эшаш мел дар Ӏалашдаьдар. Юкъе кхоачамбоацараш дар ала йиш йоацаш, хоржамаш дӀа а дихьар», — аьлар цо.