Сага бокъонех волча викала дукха бераш долча наьна гадаьккхар
26.07.2024 12:18
Берашта доагӀаш дола ахча боаггӀача боараме Ӏаьдало хьа ца луш, хала кхийстача дуккхача берий наьна бокъонаш меттаоттайир сага бокъонех волча викала.
«Вахара ганзо хьаоттадаьчун тхо раьза дац! Са цӀен-да цхьацца балхаш деш, кӀезига ахча хьатӀадоагӀаш ва; со, бер даь, балха йоацаш, цӀагӀа сецай. ХӀара бетта берашта хьадоагӀаш дола ахча тхона харцахьа лаьрхӀад», - яздаьд латкъа енача кхалсага.
Россе вахара ганзага гӀолла, деррига тохкаш болх дӀабихьача, ахча харцахьа хьожадаьлга гучадаьлар. ОарцагӀваьннача сага бокъонех волча викала, 10 эзар 720 сом ахча хӀара бетта хьаухаргдолаш, хьахьожадайтар цӀа диззача берашта.
