ЗаIапхочун бокъонаш меттаоттайир сага бокъонаш лораеча викала
02.07.2024 11:30
Шийна доагIар хьалуц, аьнна, леткъар заIапхо йола вай мехкара яхархо, сага бокъонех волча викалга. Цо дувцар дикка техка, нийсхо йир оарцагIбаьннача болхлоша.
«2022-ча шера со балха эттача, са пенсе тIара Iодаьккхар федеральни оагIонгара ахча. 2023-ча шера со балхара хьаяьлча а, из ахча юха IотIатехадац. Вахара ганзо сабарде, каьхаташ шоашка ханнахьа хьакхаьчадац, яхаш, таханарча дийнахьа а сона доагIаш дола ахча хьалуш дац. 2022-ча шера денз, са пенси 6 эзари 222 соми да», - язду кхалсага.
«Сердало» газетага дийцачох, сага бокъонех волча викала, оарцагIваьнна, деррига меттаоттадир. Хьа ца луш мел лаьтта ахча а хьадала оттабир уж заIапхочунна. Укх бетта денз, цун пенси 12 эзари 843 соми хургда.
