«Наькъашкара кхерамзлен хьал лорадара тӀехьа тохкам баьча прокуратура болхлошта гучадаьлар, из саг опиаташ мелаш, керто, кхетамо лерттӀа болх беш цахиларах наркологически, психоневрологически диспансере дӀаязваь латташ хилар»,- йоах хоамо.

Из тайпара саг машина ко лаьца аравалар, цун шийна санна, гонахьарча наха а кхераме да. МоллагӀча миноте авари е тарлуш хьал да цун дегӀагардар.

Шахьарерча прокуратурас Магасерча суде каьхат чуденнад, цу сагагара машина каьхаташ дӀадаха, аьнна.