Вайцара къаьстар ГӀалгӀайчен Парламента депутат Совтанаькъан ХӀарон
10.06.2025 15:15
Халкъа Гуллама VӀ, VӀӀ-ча кхайкарала депутат хиннача Совтанаькъан ХӀарона вахара никъ хаьдар, 61 шу даьнна волаш. Из хоам бир Парламента спикер волча ТӀумхой Мухьмада.
Республикерча бокъоний оагӀонца доккха дакъа дӀалоацаш, наьха хьашташ кхоачашдара тӀехьа къахьегаш ваьхар Совтанаькъан ХӀарон. Мехка вахара –экономически хьале лоархӀаме хилар цун бокъонцара проекташ, дӀабихьа болх.
Хьинаре, бехктокхаме къахьегаш хиларах; дуккхаза белгалваьхавар из. Тайп-тайпарча моттигашка болх беш хинна, дукха хӀама довзаш, виъ дезалхо ураоттаваь саг вар Совтанаькъан ХӀарон.
«Халкъа Гуллама депутаташ воӀ дӀаваьнна, бисарашца из хало екъаш ба. Дала къахетам болба, Дала гешт долда цунна!» - белгалдир ТӀумхой Мухьмада.
