Наьсарен №14 йолча юкъерча ишколе, бокъонаш лораерашца хьехамий кхетаче хилар
Наьсарен №14 йолча юкъерча ишколе хьехамаш дара кхетаче дӏайихьар, кхувш боагӏарашта юкъе бокъонаш телхаеш хиларах дувцаш. Цига хьоашалгӏа баьхка хилар транспорта прокуратуран, иштта «Даьхен лорабой» ганза филиала болхлой, яхаш, дийцар «Сердало» газетага из болх вӏашагӏбеллараша.
«Из кхетаче дӏахьош хилара бахьан дар, кхувшбоагӏарашта хьалхадаккхар бокъонаш телха ца еш, шоай мохк безаш, лерттӏа бахархой болаш уж хьалкхе безилга. Цига дакъа лоацаш хилар Наьсарен транспорта прокурор Гӏанажанаькъан Бек-хан, Россе МВД Наьсарен ЛО кхувшбоагӏарий гӏулакха йола инспектор, полице капитан ӏоахарганаькъан Радимхан, «Даьхен лорабой» ганза гӏалгӏай филиала вахара болхло Элмарзанаькъан Амина. Цар дийцар тахан латтача замах эггара хьалха царна ха дезаш долчох, иштта хьалхадаьккхар нийса вахара никъ дӏабахьара де дезар», - аьлар хоамо.
