«Культуран моттиг» яха проект йоаржайир цу оагӀонцарча министерствос 2024-ча шера
«Культуран моттиг» яха мехка проект йоаржайир культуран гӀулакхех йолча Министерствос 2024-ча шера. Цох лаьца дийцар министерстве дӀайихьача кхетаче министра гӀонча йолча Куртой Маккас. Из хоам «Сердалога» бир цу моттигера.
Цу проектага гӀолла хьадийллар ЖӀайрахье 67, 07 млн рузкъа дӀатӀадаха культуран цӀа, цу юкъера 63,72 млн сом федеральни ахчанцара да. 1377 кв. метрага кхоачаш да из доазув, 200 сага моттигаш луш я цу чура кхетачен зал.
32,50 млн рузкъа дӀатӀадахийта тоайир Магасера театран, кинон моттиг, цу рузкъан юкъера 30, 88 млн сом федеральни ганзера да. 11, 30 млн сом ахча дӀадохийташ тоадир Йоккхача Ачалкхера культуран цӀа; 10, 74 млн сом федеральни оагӀонгара да.
Иштта, Паччахьалкхен кхоллама колледжа керда гӀирсаш, кхыйола хӀамаш яхьийтар дӀадахача шера. Цо дӀалаьца рузкъа - 2,12 млн сом. Ксилофон, балалайка, гитара, компьютераш елар цу моттига.
