«Цул совгӀа ялх юкъара ишкол тоае лаьрхӀад. Цо таро хулийтаргья дешархой кхетам лакхбе, дешара хьалаш тоаде, хьехархошта а дешархошта а дешара дика хьалаш хилийта», - йоах хоамо.

Цул совгӀа, 2024 шера дешара даькъ тӀа боккха лоархӀам бола проекташ а чӀоагӀъяьй: шиъ берий «Кванториум» яха, бархӀ «ДегӀадара тӀадамаш» яха технопаркаш хьалъяр, иштта таьрахьий дешара оагӀув дегӀайоалаяра лаьрхӀа йола 40 моттиг, эшача техникаца а кхыча гӀирсаца а Ӏалашъяь.

Хьалъе лерхӀ ялх спортивни майда, ийс спортивни клуб юкъарча дешара даькъ тӀа, иштта хьалъе лерхӀ шиъ «ӀТ-клуба» центраш, берашта таьрахьий хьехам балара.

Из деррига республикан хургдолчунна чудоагӀаш да. Къонача тӀехьено ший хьамсарча мехка таронаш совйоахаш, къахьегаргда тӀайоагӀача хана.