2024 шера 1,4% кӀезигагӀа хиннаб болх боаца нах
ГӀалгӀай мехка 2024 шера, лаьрххӀа бола болх дӀабихьачул тӀехьагӀа; белгалдир, хьабе болх боацаш хилара хьал дикка лаьгӀденнилга, из да 1,4%, яхаш, дийцар «Сердало» газетага ГӀалгӀай Республикан Паччахьалкхено.
«Таханарча денга кхоачаш, хьабе болх боацаш багӀараш 24,5 эзар саг лоархӀаш ва, 2022 шера хинначул 2,6 эзар саг кӀезигагӀа ва уж (27,1 эзар саг). 2024 шера, болх безаш бола нах 8,8% ба, аьнна, чӀоагӀдаьдар; хӀаьта 2023 шера, цу хана хинначунца нийсдича, из хилар 10, 2%.
Цу тайпара, болх боацаш багӀача наьха процент 1,4 лохагӀа я»,-аьлар ГӀалгӀай Республикан премьер-министра Владимир Сластенина, цу даькъ тӀара болх ше бувцаш.
Иштта белгалдаьккхар, республике юкъера хьаэцаш дола алапи 35975 сом хилар, из лакхденнад 9,2 процента.
Керттера терко тӀаяхийтар республике дӀахорча итт шера бе безача балха.
Иштта ГӀалгӀай Республике чӀоагӀдаьд тайп-тайпара балхаш де дезаш хилар; караерзаяьча говзалга хьежжа, дӀахьоргда уж 2024-2030 шерашка. Цо белгалду 75 балха моттигашка 2 эзар саг эшаргхилар.
Таханарча замах йола къахьегама моттигаш дукхагӀа болхлой эшаш я, цунга хьежжа хила беза болх дика бовзараш. Цудухьа тахан, кхоана накъабаргбола говзанчаш Ӏомабара йола кӀийле чӀоагӀъяьй, вайцигара говзанчаш, болх дика караберзабаь къахьегамхой хургболаш.
