«Наькъий хьал лакхача боараме хилар чӀоагӀа лоархӀаме да шахьаре. Ше-ший аргӀагӀа эргадоахаш латт тахан деррига наькъаш. Шаймиева оалача урамера болх йистебала боаллаш ба. Могушканаькъан Д. цӀи лелаеча урама куц эргадоаккхилга бахархой хьежа дукха ха яр, карарча хана балхаш дӀадоладаьд цига а.

«1,58 км латта из никъ «Кхераме доаца дика наькъаш» яхача къаман проекта юкъебодаш ба. Керда асфальт Ӏобилла болабеннаб къахьегамхой. Тротуараш тоадеш, наькъашкара тишъенна гӀармаш хувцаш, керда лампаш йохкаш къахьега лерхӀ цига», - йоах хоамо.

Иштта, дукха ца говш, тоаде доладе лерхӀ Наьсар-Кертера урамаш. ХӀара ахкан ди боккхача пайданца дӀадахьа лаьрхӀа ба болхлой.