Вахаре эша гӀо-новкъостал дарах бола 3292 бартчӀоагӀам бир вай мехка
ГӀалгӀай Республикан Паччахьалкхено 2024 шера баьча балхах Парламенте дувцача хана, белгалдир вахара бартчӀоагӀамах дола новкъостал дара болх дӀабахьар.
«Цу шера дӀабихьар законо оттадаь дола социальни оалаш дола ахчаш дӀадалара, цхьацца болча наха вахара аьттонаш далара (льготаш) бола болх. СалаӀа, шоай могашал тоае бахийтаб «Ветераний цӀа» яхача могашал тоаяра йолча центре 565 саг боккхий нах, цу юкъе СВО доакъашхой (цар дезал) - 23 саг», - аьлар республикан министрий Кабинета кулгалхочо В. Сластенина.
Иштта белгалду, дӀадахача шера 3292 контракт чӀоагӀъяь хилар, из 169% да хила безача (1948) боарамга диллача, федеральни бюджетера субсидеш даларах кхетаченаш дӀайихьа хилар, цун маӀан дар бартчӀоагӀам оттабаьрашта паччахьалкхен новкъостал дар.
