2024 шера гӀалгӀай дарбанчеш таьрахьашца дӀаязъергья
ГӀалгӀай мехка, «УнахцӀено» яха къаман проект къоачашъеш, ер шу йистедоалаш, таьрахьашца дӀаязъергья республикан еррига балха моттигаш, яхаш, дийцар «Сердало» газетага ГӀалгӀай Республикан Кулгалхочун зарбан болх лелабераша.
«Интернет хӀарманга дӀакхоачаш ца хилча яргйоацаш я, таханарча заман сага вахар вӀаштӀехьа даргдац, таьрахьашка дерзадаь хьалаш ца хилча. Интернет вахара лоархӀамеча моттигех хилар чӀоагӀа эшаш да республиканна.
Карарча шера, республикан еррига дарбан моттигаш таьрахьашца дӀаязъяь яха еза», - аьлар Келаматанаькъан Махьмуд-Ӏаьлас.
Ростелеком тахан лохаш я, 2024 шу чакхдалале юрташка из болх баь баргбола оагӀув.
Махьмуд-Ӏаьлас белгалдир, таьрахьашка даларо дикка аттача доаккх ГӀалгӀай Республикан юрташка бахача наха лорий новкъостал дӀакхачийтар, из болх дӀахо дӀахьоргба.
