2025 шера Гӏалгӏайчера 201 бер Москве дарба деш хиннад
Карарча шера тӏеххьара 18 бер дахар «Берал» яхача российски центре дарба де.
Гӏалгӏай Республикан юкъарлон гӏон штаба зарбан болх лелабераша яхачох, карарча шера «Могашалга вуга никъ» яхача боламга гӏолла, столицерча хьалхале лелаеча центре могашал тоайир тайп-тайпара ДЦП, иштта кхыдола лазараш долча 201 бера.
«100 бер дӏахьожадир хьалхарча ах шера, иштта 101- шоллагӏча. Къаьстта дарба де дезаш вар бархӏ шу даьнна Адам, инсульт хинна вола. Кхоачам болаш нах вӏашагӏтеха хиннабале а, из ца вахийтача варгвоацаш вар.
«Могашалга вуга никъ» яха болам хиларах, шоай могашал тоае таро хилар 260 бера. Хӏара бера совгӏата планшет елар, лергехйоахкоргаш, дагадар карта, хӏаьта берий даьшта ахчанца новкъостал дир 200 эзар сом луш, цига дӏаболхаш хинна зе меттаоттаде», - аьлар Гӏалгӏай Республикан новкъостал дара йолча штабе.
Белгалду, болам дӏахьош ба ОМС чубоагӏаш, «Цаӏ йолча Росси» яхача парте, Гӏалгӏай Республикан, РФ унахцӏенон Министерствоша, республикан кулгалхоша новкъостал деш.
