Наьсар яха хий меттаоттаде лерхӏ 2027 шера
Наьсар яха хий керттера дош дар; ГӏалгӀай Республикан Ӏалама тароний, экологе министра Мизенаькъан Микаила РФ Ӏалама тароний министраца Корольков Максимаца, Аналитически центра кулгалхочунца Дунаев Вячеславаца кхетаче йолаш; дийца хиннар. Из меттаоттаде лаьрхӀад 2027 шера «Россе хиш» яхача федеральни проекта чудоагӀаш.
Кхетаче дӀайихьар республикан хин таронашта хетаяь.
Федеральни центра викалаша белгалдир экологически боламаш кхоачашдеча даькъ тӀара республикан толамаш. Къаьстта белгалдир, хиш долча моттигашка берда йистош цӀенъеш болх дӀахьош хилар.
«Сердало» газетага цу министерствон зарбан болх лелабераша баьча хоамах, ГӏалгӀайчен экологе министра ший къамаьла чаккхе еш, хьаллаьцар гидротехнически гӀирсаш цӏенхаштта тоадар, иштта берда йистош чӀоагӀъяр.
