2027 шера Дола-Коара хин турбаш кердаяха лаьрхӏад
Магӏалбика кхален Дола-Коарча Пешхоева урамах бахача наха, карарча шера маьцхали бетта денз шоай хий хьадоагӏаш дац аларах, Гӏалгӏайчен ЦУРо цу гӏулакха тӏахьожам бир.
Администраце кулгалхочо Узиевгӏар Хизара яхачох, юрта хицара кхоачамбоацараш долаш да. Цул совгӏа, кӏимарса беттагара маьцхали беттага кхаччалца геттара хала хьалаш хилар. Цхьан тайпара, ший низаца администраци хьожаш я из гӏулакх тоаде.
«Хӏара ӏуйрийна 8 сахьат даьлча денз 11 сахьат даллалца, иштта 12-13 сахьат даллалца гаьнарча моттигашка хий лоаттаду», - аьлар юртдас.
«2027-ча шера цӏенхаштта тоае лаьрхӏад Магӏалбика кхален Дола-Коара хин турбаш. 130 млн сома инвестицеш хургья «Коммунальни хьал 2025-2030 шерашка кердадаккхар» яхача программанна чуйоагӏаш. Уж балхаш дӏахьош да, цахаддаш наха хий лоаттадар духьа. Тоадара балхаш дӏахьош, тӏахьожам лоаттабергба цу балха. Нагахьа санна цу юкъа геттара эшаш хуле, вахара ӏалашо йоацача наха хий дӏадохьийтаргда. Гӏалгӏайчен ЦУР дӏахо а цу гӏулакха тӏахьожам лоаттабеш я», - аьлар цун викалаша.
