Ачалкхе керда тока гӀирс оттабеш латт
15.05.2025 16:58
Йоккхача Ачалкхе, Рабочи урамах болх чакхбоалаш латт, керда тока гӀирс оттабеш. Из болх дӀахьош ба «Къилбаседа Кавказа россетий» - «Ингушэнерго» ПАО говзанчаша, яхаш,дийцар «Сердало» газетага доал деча даькъ тӀа.
Эша гӀирс ийцабар МагӀалбика кхален кулгалхочо Къоастой Ӏаддал-Хьамида тӀадиллача декхарах, бахархой дехар кхоачашдеш. ХьалхагӀа ток кхоачам боацаш хиларах, цӀагӀа лелаю техника йох, яхаш, латкъаш хулар уж. Из болх хӀанз дӀахьош ба цар вахара хьашташ кхоачашдеш, ток бахьан долаш цар цӀагӀа лелаю техника йохаргйоацаш.
