Берий бокъонаш лораярах дийцар Магасерча администраце
29.04.2025 16:50
18 шерга кхачанза долча берий бокъонех лаьца дийцар, шахьара даь гӀонча йолча Зяьзганаькъан Маккас кулгал деш, Магасерча администраце дӀайихьача кхетаче. Из хоам «Сердалога» бир мэре.
Кхетаче дакъа лоацаш хилар, берашта юкъе нийслуча бокъо йоацарех, зуламех йолча комиссе доакъашхой.
Берашца дӀакхухьача балхах дийцар гулбеннараша; иштта теркаме лаьцар даьша, ноаноша боаггӀача боараме шоай дезала тӀахьожам ца беш, кхетам ца луш долча гӀулакхех бола 10 лоткъам.
ГӀалатбаьннарашта гӀод тохаш, кхыбола болх дӀахьош гӀулакх да из.
