МагӀалбика администраце дийцар йоал гулъяра дешаш
МагӀалбик-Шахьара администраце, керттера долча хаттарах – доалахьарча боахамах, хьалех луш йола йоал гулъяра хаттараш дувцаш кхетаче хилар. Из хаттар лоархӀаме да моллагӀа долча доал дара даькъ тӀа болх дӀабахьара, хӀана аьлча йоал гулъярга хьежжа мара болх дӀабахьа таро хилац. Цига гулбелар прокуратура, йоала гӏулакх леладераш, къахьегама инспекце викалаш.
«Берригача доакъашхоша лаьрхӀар: Магӏалбика хургдар, цун хьалаш хьакхоллар, хӀара вахархочун хьашташ довзар тийша да йоала политиках. Къаьстта йоал яккхара хаттаро мара кхоачашдац паччахьалкхен ахчанца дувзаденна хаттар, цигара хьадоагӀаш да социальни программашта, доазонаш тоадара, дешара, унахцӀенон хьалаш хьакхоллара луш дола ахча. Кхетаче дӀахьош дийцар хоадам боллаш из хаттар кхоачашде дезарах: лаьттан, доалахьа леладечун, транспорта тӀера луш йола йоал гулъяр, из хьалхарча аргӀагӏа латташ дола декхар да, яхаш, дийцар къамаьл даьраша. Из хаттар кхоачашдара никъ а техкар», - аьлар «Сердало» газетага МагӀалбика-шахьара администраце.
Йоала гӏулакха болх тоабе безарах дувцаш, кхетаче доакъашхоша белгалдир из болх цахаддаш дӀабахьа безарах, хьалхашка оттадаь декхараш кхоачашдара боахамашца бувзам лелабарах.
