МагӀалбика кхален администраце «Лергдоаца сур» яха болам дӀабихьар
30.04.2025 17:03
МагӀалбика кхален администраце «Лергдоаца сур» яха патриотически болам дӀабихьар. Из хетабаь бар Сийлахь-боккхача тӀем тӀа Котало яьккха 80 шу дузаш хилара, яхаш, дийцар «Сердало» газетага кхален мэре.
Цу кхетачене дакъа лаьцар Инаркъерча №12 йолча ишкола дешархоша.
Дешархой чакхбаьлар шоай турпалхой-даьй тӀема доакъашхой сурташца, цар йийшар байташ, цу тӀем тӀа байнача салташта карагӀдаьннар дувцаш.
Боламах цӀайна хетаяьча кхетачен цхьа дакъа хилар, из лаьрхӀа да исторически дагалоаттам биццабара, кагирхой Даьхенцара безам совбаккхара.
