Бахархой тӀаийбу ди дӀадихьар МагӀалбикерча администраце
28.08.2025 09:08
МагӀалбика кхален администрацена кулгал деш волча Къоастой Ӏаддал-Хьамида бахархой тӀаийбу ди дӀадихьар. Шоай вахарера цхьацца къувлараш дувца тӀабаьхкар нах. ЖКХ оагӀонцара цхьацца моттигаш тоаярца, гӀо дарца дувзаденна дар цар хаттараш.
«ХьатӀавенача хӀара сага мел аьннар тохкаш, болх дӀахьоргба администраце. Цхьаккха сага хаттар ца доашхаш дусаргдац. ХӀара гӀулакхага хьажа, аьнна, тӀадиллар хьакимо ший болхлошта», - дийцар «Сердалога» МагӀалбика кхален администраце.
Иштта йола кхетаченаш чӀоагӀа лоархӀаме я бахархошта, хьакимашта юкъе. Наьха вахарера кхоачамбоацараш дикагӀа довз цу тайпарча наькъаца.
