Панкратионах йолча дунен яхьашка, толамаш даьхарашта духьалбахар «Магас» аэропорте
13.11.2025 09:10
20 шерга кхачанза болча панкратионхошта юкъе дӏайихьача дунен яхьашка, котало яьккха мехкахой тӏаийцар вай «Магас» аэропорте. Из хоам «Сердалога» бир моттигерча Минспорта зарбан болх лелабеча Гӏаппархой Аишас.
«93 кг дозал дарашта юкъе дото майдилг яьккхар Йовлой ӏалихана, хӏаьта 77 кг дозал дарашта юкъе Дудурганаькъан Аласхана борза майдилг яьккхар.
Спорта оагӏонцарча министерствон кулгал деча Белхарой Руслана, тренераша, бовзараша, безараша даькъалабийцар толам баьккхараш», - дийцар тха газетага.
Белгалде деза, дукха ха йоацаш вай спортсменаш Эллиной мехкара толам бахьаш цӏабаьхкалга.
