Таьрахьашцара болх боаржабарах йолча академе лекци йийшар
18.04.2025 11:02
«Проекташта кулгал дар: кегаденначунгара нийсачунга кхачар» яха лекци йийшар Магасе. Спикер - таьрахьашцара гӀулакх доаржадарах йолча Академе дешара программах йолча Департамента проекташта хьалха латта Мышонков Александр. Из хоам «Сердалога» бир цу моттигера.
«ӀT- болхлошта, менеджерашта, пайдане хургдараш хьалхадоахаш хилар Александр. Проект оттаяра говзала, де лаьрхӀар боаггӀача боараме къоастадара, тоабан болх лерттӀа дӀачакхбаккхара хетадаь дар цун къамаьл», - дийцар тхога цу моттиге.
Доакъашхошта дайзар, малагӀа тайпа хӀамаш проект оттаеча чакхдалийта йиш яц, иштта эггара кастагӀа нийслуш долча кхоачамбоацарех дийцар царга. Цу балхацарча говзанчаца хаттар-жоп долаш къамаьл хилар лоархӀаме дар гулбеннарашта.
