Керда дарбанче хьалъеш латт Ӏаьлий-Юрта
07.10.2024 09:56
ГӀишлошъяра балхех йолча республикерча Министерствос тӀадилла, укх шера гурахьа хьалъе йолаяьй Ӏаьлий-Юртара дарбанче. Из хоам «Сердалога» бир министерствон болхлоша.
«30 унахочун дарба де моттигаш, 100 саг цхьан дийнахьа тӀаэцаш поликлиника йолаш хургья керда дарбанче. «УнахцӀено» яхача беркатеча къаман проектага гӀолла «Гранул» яхача OOOc дӀахьош болх ба из», - йоах хоамо.
Проекта лаьрхӀа хьакъоастадаьча доазон тӀа эггара хьалхара балхаш дӀадоладаь боахк къахьегамхой. Из болх йистебаьлча, лард, подвала пенаш дотта болалургба.
Таханарча хано дӀадеххача тайпара, унахошта мел эшар чудолаш; дика дарбанче хургья цох, Даьла къахетамца.
ХьатӀадоагӀача шерга баргболаш боккха болх ба из. ГӀадвугаш да, вай мехка цхьаькха керда дарбанче ӀотӀакхетар.
