18-11 йоккха йолча майдан тӀа, кагирхошта лаьрхӀа тай-тайпара спортивни гӀирс оттабаьб, иштта цига я тренажераш. Из проект оттаяьр вар Йовлой Аслан, Ерригроссе спорта-туристически «Open Chechnya-2021» фестиваль дӀахьош, из проект хьаллаьцар.

ЛаьрххӀа из хьаелаш бола болх йистебаьнначул тӀехьагӀа 11-13,14-17 шу даьннарашта юкъе кроссфитах яхьаш дӀайихьар. Массаболча турнира доакъашхошта грамоташ, майдилгаш, кубкаш елар.

«Юртахошта дика хетарах, кхетаде хала дац из спортивни майда мел эшаш хиннай, цудухьа со чӀоагӀа раьза ва иззал дукхача наьха сатувсар айса кхоачашдаь. Ер гӀулакх дӀахьош новкъостал дир цхьан юртахочо, цунна доккха баркал хилда», — аьлар Йовлой Аслана.

Белгалду, проект Ӏаьлий-Юртарча 14-30 шерга кхаччалца болча кагирхошта юкъера бувзам а барт а чӀоагӀбара лаьрхӀа хилар.