Оалкама модельни библиотека хьаелларгья
12.11.2025 15:16
«Дезала юкъера лоархӏамедараш, культураца дувзаденнараш» яхача федеральни проектага, «Дезал» яхача къаман проектага гӏолла Оалкама модельни библиотека хьаелла лерхӏ. Из хоам «Сердалога» бир Шолжа кхален хоамий оагӏонцарча балха кулгал деш волча Цӏечой Беслана.
«Карарча хана библиотеке деша ӏохувша зал тоаеш, цхьацца кхетаченашта лаьрхӏа моттигаш къоастаеш, иштта кхыдола хувцамаш деш боахк библиотеке. Хьачуухарашта паргӏатагӏа хургйолаш, болх ба библиотеке дӏаболабаьр.
Таханарча технологей хоамашца дувзаденнараш юкъелоацаш, дӏахьош ба бахархошта юкъе пайда беш хургбола из болх», - дийцар тха газетага. Дезалашта юкъера беркате ӏадаташ хьаллацара тӏехьа, бахархой культуранцара, дешара оагӏонцара бувзам чӏоагӏбе дӏахьош да из гӏулакх.
