Оалкама «Антитеррор» яха болам дӀабихьар
11.03.2025 16:52
Оалкама урамашка дӀабихьар «Антитеррор» яха болам. Из вӀашагӀбеллар дар моттигера культуран ЦӀа, яхаш, дийцар цун ший болхлоша.
«Кхетаче лаьрхӀа яр, вай мехка тайп-тайпарча ханашка террористически зуламах бейнача наьха дагалоаттама. Цунна хетадаь ДК болхлоша шоай дешархошца цхьана буклеташ дийкъар пайдане хоамаш тӀабола, цар тӀа хьалхадоахар цу тайпарча унзарча хьалах мишта лоравала веза, иштта юкъарлон моттигашка мишта хила веза», - йоах хоамо.
СалоӀача моттига центра болхлоша белгалду, бейнараш дагалоацаш, шоай бала цу тайпара дӀагойташ хилар, экстремизма духьала къовсам лоаттабара, наха низ беш хилара шоаш духьала хилар дӀагойташ из долга.
