ЦӀи яьнна, хатар хилар Оалкама
16.12.2024 10:24
Оалкамарча цхьан фусаме цӀи яьнна хатар хилар. Бане яьнна цӀи дӀайоае оарцагӀбаха хилар МЧС болхлой. Из хо «Сердало» газетага бир «Вайнах» яхача МЧС тоабан болхло волча Хьакхенаькъан Уматгире.
«Речной оалача урам тӀа яьннача цӀеро 100 кв метр дӀалаьцар. Шин машинаца оарцагӀваха МЧС ийс болхло ваьллар цӀи йоаеш», - йоах тхога бенача хоамо. МЧС болхлоша кхайкарал ду бахархошка, боккъал а каст-каста хьожаш хила газ хьалъараувзаш йолча турбашка, доаго даьтта дӀачудетташ, цӀи хьалсегаш долча гӀулакхах лорале.
