Оалкама А. Пушкина хетаяь литературни сайре хилар
07.06.2024 16:38
Оалкамарча культуран цӀагӀа «Поэтически Россе сийле. Пушкин Александра вахар, уйлаш» яха литературни сайре дӀайихьар; цӀихезача, 800 гаргга байт язъяьча российски поэта сийна, яхаш, дийцар «Сердало» газетага из болх вӀашагӀбеллараша.
Кхетаче вӀашагӀъеллаяр ишкола дешархоша, культуран салоӀама центре цхьацца хӀама Ӏомадеш бараша. Пушкина ди дӀахьош, культуран цӀен болхлоша автора вахарера цхьацца оагӀонаш йийцар, из ваь 225 шу даьнначул тӀехьагӀа, бераша шоай аргӀагӀа лоархӀаш ба Пушкина кхоллам», - йоах хоамо.
