Театр кхолладалар дагалаьцар Оалкама
Халкъашта юкъерча театра Ден хетаяьча кхетаче, республикера театр хьахилара истори дагалаьцар Оалкама. Культуран цӀагӀа гулденнача берашта дийцар вай мехкара культура дегӀаярах, цу оагӀонца дувзаденнарех. Из хоам «Сердалога» бир цу моттигера.
Культуран цӀен болхлоша дагалаьцар 1923-ча шера вай республике эггара хьалха отта болабеннача драматически кхолламах. Цу хана вай къаман керттера моттиг Буро хиннай, цигара хьадоладеннад деррига.
«Тахан берашта дайзар, мел лоархӀаме моттиг дӀалаьцай вай къаман драматурге Малсаганаькъан Зоврбика пьесаша, иштта хьехархой института студенташ хиннача Базорканаькъан Идриса, Осменаькъан Хьамзата, МутаӀаланаькъан Хьажбикара, Оздой ИбрахӀима лелаеш хиннача театральни кружокаша баьча пайдо. Тахан кхетаче дийцар «Зокх» яхача кхоллама оагӀонах, диъ театро дӀахьоча балхах», - йоах тхога бенача хоамо.
