Оалкамарча культуран Цӏагӏа «Машарга вуга никъ» яха фильм гойтар
Оалкамарча культуран цӏагӏа дешархошта лаьрхӏа гойтар «Машарга вуга никъ» яха документальни фильм. Из кхетаче хилар моттигерча ишкола дешархошта терроризма, экcтремизма унзара наькъаш довзийташ, цу вонна духьала беш бола хьехам санна.
«Керттера бахьан дар мехка кагирхоша вай республике латташ дола чоалхане хьал кхетадар, терроризмага кхоачавеш дола наькъаш довзар. Цу сурто къаьгга хьагойт юкъарлон вахара лоархӏаме оагӏонаш, харц наькъ тӏа валарах хьалуш дар», - аьлар «Сердало» газетага кино гойтар вӏашагӏделлараша.
Фильма кӏоаргал йовзаш хул наьха вахарга гӏолла, нийсденнача унзарча хьалашка гӏолла. Таханара Гӏалгӏайче чакхъяьннай дукхача халонех, бакъда тахан Гӏалгӏайче тешшаме гӏа боаккхаш йода ший дегӏаяра болча наькъ тӏа. Фильмо хьагойт мел лоархӏаме да ӏадатий мах бараш, иштта къаман культуран тӏехьале лораяр.
Къаьстта йола терко тӏаяхийтар цу кхетачене бӏаргадайнар дувцара. Дешархоша а дукха хаттараш делар, хьалхадаьккхар кхувш йоагӏача тӏехьено де дезар.
Гӏалгӏайчен культуран болхлоша дика дакъа лоац кхувш йоагӏача тӏехьенна кхетам балара, кагирхой воча хӏаман духьалъотталуш хилийтара.
