Барта-Гӏалан юхе экстремизма,терроризма духьалара болам дӀабихьар
ГӏалгӀайчен столицера Барта-Гӏала йолча «Экстремизмага, терроризмага «Ак!» ала» яха лоархӀаме болам дӀабихьар, из вӀашагӀбеллабар ГӏалгӀай паччахьалкхен университета студенташа, яхаш, дийцар «Сердало» газетага шахьара мэре.
Кхетаче дӀахьош хилара бахьан дар, экстремистски кхерама кагирхой духьаллотталуш хилийтар, халкъашта юкъера барт хилийтар, кхувш йоагӀа тӀехье бокъонаш, мах бараш лораде ховш кхеяр. Къаьстта терко тӀаяхийтар хьинар долаш граждански дог-уйла леладара.
Студенташта хьалхашка къамаьл дир, Магаса терроризма духьаларча кхела бехктокхамеча секретара Ильясанаькъан Мухьмада. Ше къамаьл деш, цо дийцар экстремизмах хьадоалача зуламах, иштта вахарца из довзаш хиларах хьехам бир.
Юххера а, болама доакъашхошта хьехамий хоамаш дӀа-юха дийкъар, цу зулама духьалъоттара гӀо дергдолаш дар уж.
Цу тайпара кхетаченаш дӀаяхьарах таро хул кагирхошта цу унзарча наькъах хьадоалаш дола во довзийта, цар шоашта юкъе машар, культуран, цхьоагӀо, барт дикагӀа лоаттабергболаш.
