«Укх бетта 27-ча дийнахьа, ерригача Россе дӀахьош дола къахьегама шоатта хьаллоацаргда вай мехка. Шоаш баха урамаш, цӀеношта гонахьара доазув, сквераш, нах гуллуш йола моттигаш цӀенъеш, лостам беш, къахьегаргда бахархоша. Иштта дола беркате гӀулакх, хоза хеташ, хьаллоац вай мехкахоша массахана», - йоах тхогарча хоамо.

Гаьнашта кӀир тохаш, зизаш дӀадогӀаш, наха салоӀаш йолча моттигий куц эргадоаккхаш, дӀахьош бола болх дега тоам беш хул. Къахьега арабаргба, ерригача балха моттигашкара болхлой. Цхьа барт кхеташ дӀахьоча балхо юкъера бувзам чӀоагӀбу, наха юкъера безам совбоаккх.

Цул совгӀа, эггара хьалхарча аргӀагӀа, тоае езача моттигий къоастам бе гӀо дергда бахархошта Даьла духьа гӀо де арабаьнна лелараша.