Илдарха-Гӏалан дарбанче цӀи йоаяра кеп оттайир, цу хатарца къовсам лоаттабе Ӏомалуш
20.05.2025 15:47
Илдарха-Гӏалан дарбанчен коа дӀабихьар ГӏалгӀайчен МЧСа цӀи йоаяра хьал дикагӀа Ӏомадара болх, яхаш, дийцар «Сердало» газетага цу боахама зарбан болх лелабераша.
Ӏомабалар дӀадахьа дезаш дар хьалхарча этажа тӀа; цӀаьхха, тока саьрг лотабаларах цӀи яьнна моттиг эттача санна.
Цига тӀакхаьчача МЧСа болхлоша хьалхарча аргӀагӀа цӀагӀара хьал миштад хара болх дӀабихьар. Цӏен чухьнахьа чов яь саг волга хайча, цар из сиха кӀалхарваьккхар, хьалхара новкъостал а деш. Цул тӀехьагӀа цар цӀи йоайир.
«Цу тайпара профессиональни говзал лакхъеш дӀахьоча балхо кердадараш дукхагӀа юкъедаха таро лу цу цӀерца къовсам лоаттаберашта, чоалхане хьал эттача де дезар ховш хул», - аьлар ГӏалгӀай Республике гӀолла йолча Россе МЧСа ГУ.
