УЗИ йоаккха керда аппарат кхаьчай, Илдарха-ГӀалий тӀарча дарбанче
15.07.2025 09:29
«УнахцӀено» яхача къаман проектага гӀолла, УЗИ керда аппарат кхаьчай, Илдарха-ГӀалий тӀарча дарбанче. Из хоам «Сердалога» бир унахцӀенон гӀулакхех йолча министерствос. Кердача аппаратаца узи яккха йиш я дегӀа тайп-тайпарча маьженашта: дега, къамаргашта, иштта берах болча исташта.
Шахьарерча дарбанченна доккха гӀо да керда аппарат хьакхачар. Унахой а хьалха санна дукха ха яха езаргьяц, лазараш тохкаш.
«Федеральни программага гӀолла дикка тоабе аьттув баьннаб тха укх оагӀонцара болх. Керда УЗИ аппарат тхона чӀоагӀа эшаш яр, болх дуккха дикагӀа дӀагӀоргба тха хӀанз.
Шахьарера арабовла ца безаш, шоай ханнахьа чакхбала йиш хургья укхазарча унахой», - белгалдир Илдарха-ГӀалий тӀарча дарбанчен керттера лор йолча Хазбенаькъан Танзилас.
