Бресте cийленг хьадийллад; гIалгIай, нохчий къамех болча турпалхой цIераш тIайолаш
Представители города воинской славы Малгобека стали участниками торжественной церемонии открытия Аллеи Памяти в городе Бресте, на которой увековечены имена наших земляков, защищавших от немецко-фашистских захватчиков белорусскую землю в годы Великой Отечественной войны.
«Сийлахь-боккха Даьймехка тIом лаьттача хана, Белоруссе лаьтта моастагIа тIа ца вайташ, духьалъэтта байнача вай мехкахой цIераш малхаяхара дола дош ГIалгIай, Нохчий республикай викалаш цкъа хьоахадаь Iийнабац.
Цунца дувзаденна да Сийлен аллея хьаеллар.
Тахан Сийлахь-боккхача Даьймехка тIем тIа Белоруссе къаман духьала Iазап лоаттадарах болча дагалоаттама, Бресте хьадийллар Россе, ГIалгIайчен, Нохчийчен цу тIем тIа байнача къонгашта хетадаь сийлен улгаш. Цу кхетаче дакъа лоацаш хилар Брестски облисполкома кулгалхо Лободинский Сергей, Брестера РФ генеральни консул Мурашев Олег, гIалгIай, нохчий викалаш, кхыбола беза хьаьший», — аьлар «Сердало» газетага хIанз Бресте волча МагIалбик-Шахьара администраце кулгалхочун гIонча волча, ГIалгIай Республикан Юкъарча палатан доакъашхочо ГIаьнтамаранаькъан ЯрагIе.
Белгалдоаккх, Брестски гIап оалача моттиге тIом лаьттача хана, цига моастагIчоа духьалъэтта кIезига хиннабац вай къаман къонгаш. Тахан хьайийлла Сийлен аллея дIахойодача хана кхы дукхагIа хоамий улгех хьалъюзаш хургья, вай мехкахошта карагIдаьннар цар тIа дувцаш.
Сийлахь-боккха Даьймехка тIом лаьттача шерашка, Германе моастагIа вохавеш, Россе, Белоруссе бахархошта карагIдаьннар цIаккха а дицденна ха йоагIаргьяц. Вай вошал долча мехкий исторе оагIонаш лораяр паччахьалкхен лоархIаме политически декхар да. Наьха дегашка, цIаккха ца йовш, яхаргья уж ханаш.
