Коталон 80 шу дузаш хилара сийна, ГӀалгӀайчен кагирхой туризман Министерствос болам дӀахьу
23.04.2025 11:59
ХьатӀадоагӀача, советски эскаро моастагӀа эшаваьча Коталон 80 шу дизара хетабаь, ГӀалгӀай Республикан туризма, кагирхой политикан Министерствос вӀашагӀбеллар «Георгиевски зига» болам. Изз хоам, бир «Сердало» газетага цигарча зарбан болх лелабераша.
«Из Коталон ди хьатӀада геттара кӀезига ха йисай. Магаса, Наьсарен бахархошта уж белгалон зигаш дӀадекъаш ба хьинар дола волонтёраш. Цунца цар хьагойт Сийлахь-боккхача Даьймехка тӀема исторически оагӀон бакъдар», - аьлар хоамо.
Из болх вӀашагӀбеллараша белгалду цу гӀулакха толам гуш хилар. Кагирхой Министерства болхлочо Озанаькъан Салмана яхачох, бахархоша раьза болаш хьаийду зигаш, иштта сийду тӀем тӀа бейнача ГӀалгӀайчен турпалхой.
