Россе Турпалхочун Хамхой Адама сийна сийлен улг хьадийллар Илдарха-Гӏалий тӏа
01.10.2025 15:14
Илдарха-Гӏалан №2 йолча юкъерча ишколе сийлен улг хьадийллар тӏема бӏухочун, Россе Турпалхочун Хамхой Адама хетадаь, яхаш, хоам бу «Сердало» газетага «Даьхен лорабой» ганзо.
Тхога хоам баьчо яхачох, Адама дийшар цу ишколе. Из даим дег чу вусаргва хьехархошта; майра, денал дола дешархо санна.
Сийлен улг оттадеш, «Даьхен лорабой» ганза болхлоша цига лаьрххӏа йийхар веннача ветерана нана Баматгире Хадижат. Цо баркал аьлар цу юкъе дакъа лаьцарашта.
Белгалду, хьалха «Сердало» газето яздаьдар, из деша ваьгӏача моттиге «Турпалхочун парта» хьаелларах.
