Магасерча ЦКР ӏан хозала хетадаьча суртий гойтам хилар
20.01.2026 12:30
Магасерча культураца дувзаденнараш доаржадарах йолча моттиге, ӏан ханацарча хозала хетадаьча суртий гойтам дӏабихьар. Дукха тайп-тайпара балхаш дар цига гуш хиннараш «ӏан деношцара тамашийна йола хозал гойтар бераша шоай сурташка гӏолла.
Лайво кӏайяь латта гаьнаш, аренаш, гувнаш, кораш тӏа гӏоро даьхка ший тайпара сурташ, ӏан хозало куц хийца латта ковнаш – уж шеддар шоай балхашка гӏолла дийндаьдар бераша», - дийцар «Сердалога» цу моттигера.
Гойтаме гулбеннарашта чӏоагӏа дег чу дийшар ала йиш яр берий сурташ. Белгалде деза, къаьстта бераша шоай сурташка гӏолла гойташ дар цхьа ший тайпара кӏоарга маӏанаш долаш хулилга. Цхьа боккъонцахьа бола ӏан ханацара фаьлг бар бераша хьакхеллар.
