Берий технопарке РОББО яха кердадарий класс хьайийллай
ГӀалгӀайчен «Кванториум» яхача республикан берий технопарке РОББО яха инженерни кердадарий класс хьайийллар. Из проект дӀайолаяьяр РФ Президента, Къилбаседа Кавказа федеральни округе гӀолла викал ваьча Чайка Юре аларах, цо ший ахча дӀадахийта а я из.
Проект кхоачашйой хьажа, аьнна, тӀадиллад паччахьалкхен кулгалхочо Путин Владимира.
«Вай республике, Къилбаседа Кавказа кхыча мехкашка санна робототехнически гӀирсий кхоачам, инженерно-кердадарий РОББО классашта методически комплекташ а ений дешархой кийчбара: «РОББО 3D-принтер», «РОББО лаборатори», «РОББО Схемотехника», иштта кхы дуккхадараш. Цул совгӀа, хӀара классе таханарча заман ноутбукаш латт МОS LӀnux операцен система ларда тӀа. Проект хьакхоллара бахьан да берашта инженерни таронаш, робототехника йовзийтар, иштта Къилбаседа Кавказа кагирхой профессиональни оагӀонна новкъостал дар. Баркал ала лов Юрий Яковлевича, цо ГӀалгӀайчен берашта керда дешара проект юкъеяккхарах.
Со тешаш ва, из юкъеяккхарах Ӏилма, техника Ӏомаеча наькъ тӀа, вай дешархой безам совбаргхиларах», - аьлар Келаматанаькъан Махьмуд-Ӏаьлас.
Кердача классе бераша Ӏомаергья робототехника, схемотехника, физика, иштта програмировани, аьшка пхьоарал дара йола говзалаш.
«Кванториуме» РОББО яха кердадарий класс хьаелларо хьагойт технически дешара лоархӀам хилар, ГӀалгӀайчен кагирхой дешара нийса тӀакхувш хилар. Цо ший аргӀагӀа таро лу нийса уйлаш е, таханарча заман эшаш дола хьалаш Ӏомаде.
