Магасерча берий технопарке 6 оагӏув чулоацаш, мах бала ца безаш, курсаш я
«Кванториум» яхача берий технопарке, мах бала ца безаш, ӏомавеш йола курсаш хьайийллай. Из хоам «Сердалога» бир цу моттигера. Кӏира шозза хургйолча, 3D оагӏонцарча , «Blender» программага гӏолла дӏахьош йолча курсашка дакъа лаца аьттув ба берий. Аэромоделировани яха гӏулакх, иштта саг чувоацаш гӏетташ долча гӏирсашцара болх ӏомабергба къонабараша.
Къаьстта йоккха терко ергья пилотированена, автопилотий программированена. 14, 18 шераш даьннача вай къонача тӏехьен дикка пайда бергболаш, цу оагӏонашцара кердадараш довзийташ, боккха болх ба цига дӏахьоргбар.
Электрониках йолча урокашка берашта довзаргда радиоэлектроникаца, схемотехникаца дувзаденнараш, иштта цар болх дӏахьоргба хӏама дистарах, озарах долча гӏирсашца.
«Робототехника VEX» яхача курсе дакъа лаца бех 14-17 шераш даьнна бераш. Конструкторашцара болх, физикаца, механикаца, электроникаца, информатикаца дувзаденнараш шаьрдергда цар, иштта кхыдола лоархӏамедараш ӏомаде аьттув ба цар цига. «Марцхилг» (Скретч) урокаш 8-12, 10-12 шераш даьннарашка дика товргья. Шоай хьалхара проекташ хьакхолла, кхетама хьал лакхде, хьалха ца ховш хиннар ӏомаде аьттув ба цар.
