«ГӀалгӀай хьоалчагӀашкара Ӏадаташ» яха кхетаче дӀайихьар Наьсарерча культуран цӀагӀа
13.03.2025 12:23
Наьсарерча культуран цӀагӀа дешархошта лаьрхӀа нускал, замеш болаш кхетаче дӀайихьар укх деношка.
Из хоам «Сердалога» бир цу моттигера. ХӀара Ӏадат сенна эшаш да, мичахьара хьадоагӀа дийцар берашта. Бераша шоаш дакъа лоацаш яр из кхетаче, нускала цӀагӀара денз. Замей машина духьалъэтта, уж дӀа ца бохийташ ха яьккхар бераша.
Иштта бераша дакъа лаьцар нускал хи тӀа доаккхача, хьоалчагӀал хозагӀа дӀадахар къаьстта из гӀулакх. Массанена хоза хеташ хӀама дар мехкарашта, берашта юкъе ураме гӀолла, хи ведар бе йоаллаш, ӀодоагӀача нускалга хьажар. Массане сакъердалора цига.
