Заӏапхой ди дездир Долакха-Юрта
03.12.2025 10:08
1992-ча шера денз, ООН Генеральни Ассамблейс юкъедаьккха, хӏара шера белгалдеш долча Халкъашта юкъерча заӏапхой ден хетаяь кхетаче дӏахьош хилар Долакха-Юртарча культуран Цӏагӏа.
Иштта йола кхетаченаш лоархӏаме я дегӏа могашал эшаеннарий оагӏув хьаллацара, наха юкъе хила царна гӏо дара тӏехьа. Къаьстта дика хет, иштта дола хӏама кхоана боккхача новкъа довла дезача бераша дӏахьош хилча.
«Юкъерча классашка дешаш долча бераша «Гӏо деш дола кулг» яха ловзар дӏадихьар, иштта цар дакъа лаьцар «Массане юкъара моттиг» яхача суртий яхьашка», - дийцар «Сердалога» цу моттигера.
