Долакха-Юртарча культуран ЦIагIа, «Сердало» газета бIаь шу дизарга кийчбелар
В Доме культуры сельского поселения Долаково отметили исторически значимую дату - 100-летие Общенациональной газеты «Сердало».
«Дешархошта — культура» яхача ерригроссе болама юкъебодаш бар цIайна хетабаь гойтам, из дIабихьар бекарга бетта 28-ча дийнахьа.
«Дийнача деша гойтам» яхача къамаьла гулбеннарашта дийцар, хьалхарча гIалгIай газета вахарах лаьца. Цул совгIа, хьаьшашта довзийтар газета тIара хоам мел лоархIаме ба, тахан а хьалха дIаяхача ханашка а.
«Баркал оал аз «Сердало» газета болхлошта, тхо кхайкача уж хьабахкарах. ДIахойодача хана а иштта дика толамаш доахаш, гIалгIай меттала газет деш, болх бе таро хийла шун, аьттув балба, вIалла а кIаьд ца луш, хьалаьцача балха даькъ тIа къахьега», — аьлар Долакха-Юртарча культуран ЦIен исбахьален кулгалхочо Манкенаькъан Зинас.
Белгалдаккха дезаш да, культурни-салоIама фусаме кхетаче дика вIашагIъеллаяр, аьнна. ЛаьрххIа гулдаь йоазош тIадола каьхаташ, 20 бIаьшере болх беш хиннача журналистий балхаш го йиш яр цига.
