Кхетам хилар довзийташ дола ловзар, дӀадихьар ЖӀайрахье
01.08.2024 10:44
Кхетама хьал, начӀал гучадоаккхаш дола ловзар дӀадихьар Хьалхарчарца берий «Аьрзи» яхача лагере. Из хоам «Сердалога» бир «Хьалхарчар болам» яхача оагӀон болхло волча Налганаькъан Рамзана.
«Эггара толашагӀа бола дешархой гучабахара тӀехьа оттаяьча программага гӀолла, кхетама хьал гойташ йолча викторине дакъа лацарал совгӀа, кхоллама оагӀонцара начӀал гойташ, спорта яхьашка къахьийгар Хьалхарчар.
Итт тайпарча яхьашка котбаьннарий цӀераш тӀехьагӀо йовзаргья вайна», - дийцар тха газетага.
