Жӏайрахьарча дарбанче дегӏа могашал меттаоттаеш ба СВО доакъашхой, цар гаргара нах
11.09.2025 11:37
Украинерча тӏема операце доакъашхой, цар цӏагӏарча наьха могашал меттаоттаеш ба Жӏайрахьарча кхален дарбанче. Из хоам «Сердалога» бир «Даьхен лорбой» яхача ганза мехкарча филиало.
СВО доакъашхо волча Аьгенаькъан Къурейша нана хилар цу дарбанче, дукха ха йоацаш могашал меттаоттаеш. Унахцӏенон хьал эшаденна йола бӏухочун нана, дарба чакхдаьккха, цӏаязйир лораша. Шолжа-Шахьарерча яхархочо тахан дувцачох, цу дарбанче чӏоагӏа дика хьежар цунга. Бӏухочун дезал доккха баркал оалаш ба шоай унахочунга хьежарашта.
«Сердало» газето хьалхагӏа яздаьдар, цу дарбанче могашал меттаоттаеш ийккхача мино човнаш яь СВО доакъашхо Хазанаькъан Адам ва, аьнна.
