ЖӀайрахьарча ишколе анзора цӀерах «Турпала парта» хьадийллар
Сийлахь-боккхача Даймехка тӀем тӀа анзор волаш лаьттача Пхьилекъонгий Лорса Саварбика цӀерах «Турпала парта» хьайийллар, Лаьнанаькъан И. цӀи лелаеча ЖӀайрахьарча ишколе. ТӀемхочун сурт, цун вахар, тӀема никъ бовзийт цига. «Турпала парта тӀа» багӀа йиш хургья эггара дикагӀа дешачар.
«Пхьилекъонгий-Юрта ваьв полковник хинна Лорса Саварбик 1919-ча шера гуйран тӀехьарча бетта 8-ча дийнахьа. 1941-ча шера, ахкан аьтинга бетта 22-ча дийнахьа Гитлер яхача моастагӀчун эскар эггара хьалхарчарца юхатохаш лаьттай из юкъе вола тоаба. Коталон ди отталца тӀема аренаш тохкаш, фашистий наькъаш тедаш, чакхваьннав Саварбик. ЦӀеча Байракха орден, ЦӀеча Седкъан орден, иштта дукха майдилгаш йоахаш, моастагӀчоа духьаллаьттав из.
Эггара лирагӀа тӀемаш долча моттигашка белгалвоалаш бӀухо хиннав вай майра мехкахо», - дийцар «Сердало» газетага из кхетаче дӀахьош хиннараша. Кхувш латтача тӀехьенна масал да иштта бола Даьхен сийдола къонгаш. Вай дегашка массахана яха еза цар цӀераш!
