ЖӀайрахьа кхален Iалам цӀендеш дола гӀирсаш оттадеш латт
06.04.2024 23:01
ГӀалгӀайчен ЖӀайрахьа кхален нах бахача юрташка дӀадоладаьд, гонахьара Iалама хьал цӀендара дола гӀирсаш увттаду балхаш, юрташкара экологически хьал цар тоадергда.
Цунна дола тешал да, цу доазон тӀарча маьждигий хьалаш цар тоадеш хилар, яхаш, дийцар «Сердало» газетага ЖӀайрахьарча администраце.
«ЦӀено лоаттаяра гӀирсаш оттадер я «РОС» оала моттиг, цо таро хулийтаргья ЖӀайрахьа кхален гонахьара хьал бӀехдалара боарам лохбе», - аьлар тхога хоам баьчо.
Белгалдаккха деза, хьалха а цу тайпара гӀирсаш оттадаьдар ЖӀайрахьа кхален лоархӀамеча моттигашка, иштта ЖӀайрахьарча администраце, физкультурно-унахцӀенон комплексе, медресе.
