Жӏайрахьа кхале хьаелларгья, лоаман эггара лакхагӀа йола Россе кагирхой моттиг
Балха гӀулакха Селий Республике ваха волаш, ГӏалгӀай Республикан кагирхой Комитета кулгалхочо Малсаганаькъан Адама дийцар, хоадам болаш, Жӏайрахьа кхале, эггара лакхагӀча даькъ тӀа хургйола Россе кагирхой моттиг хьаелла лаьрхӀа хиларах.
«Лоаман хьаьша тӀаэцара фусам» яхача проекта чудоагӀаш, «Мехко кагирхошта лаьрхӏа» яхача яхье, из моттиг тоаяра, эшачунца Ӏалашъяра аьнна 13,05 млн сом хьахьожадаьд. Из хьаллаьцад Федеральни кагирхой гӀулакха йолча агентствос»,-аьлар хоамо.
Цун белгало я ший тайпара, из я 1000 метр совгӀа цун лакхал хилар. Цул совгӀа из хургья вай республикан лоаман даькъ тӀа хьалхара майда.
Тхоца къамаьл даьчо яхачох, хьакхолла лаьрхӀад йийлла лектори (онлайн-майда); дешара программашта, кхетаченашта йола «Лоаман Ӏадатий пхьоалле»; «Къаман даарий ноанала цӏа», мерзача даарий говзанча хьехамашта лаьрхӏа хургда из; топпарах гӀирсаш дара йола пхьоалле.
Цунца цхьана проекто лу балха оттара керда таронаш, салоӀама ха дӀаяхьара Жӏайрахьа кхален кагирхошта карагӀдоалар гойта, иштта туристически оагӀув дегӀайоалаяра таро а луш.
