Эккажкъонгий-Юртара тӀий тоадаь даьннад
Экажкъонгий-Юртара тӀий тоадаь даьлар, из лоархӀаме дар транспорта даькъ тӀа, цо ГӀалгӀайчен стлолицани Наьсарени юкъера бувзам лелабора, иштта СурхотӀа, Алхасте, Галашка, ГӀажарий-Юрта бодача наькъца а бувзам бар цун.
ХӀанз тоабаьча наькъа даькъ тӀа керда балхаш даьд, асфальтобетона никъ биллаб. Къаьстта терко тӀайохийт гӀашлой лелача моттига, из наькъа оагӀув моттигерча бахархошта аттагӀа хургйолча беса тоаяьй. Керда тӀий тиллад кхерамзлен Ӏалашо а хургйолаш, цу тӀа гӀолла лелаш атта а хургдолаш.
«Из хӀанз диълагӀа тӀий да, иштта тоадеш. ХьалхагӀа массехк шера хьалдир Шолжен, Илдарха-ГӀалан, Эккажкъонгий-Юрта тӀаьш кердадоахаш дола балхаш», - аьлар ГӀалгӀайчен кулгалхочо Келаматанаькъан Махьмуд-Ӏаьлас.
Иштта, карарча шера тоаде лаьрхӀад Илдарха-ГӀалан, Юкъерча Ачалкхен тӀаьш.
