«Бовза хьай ди» яха хаттарий кхетаче дӏайихьар Эккажкъонгий-Юртарча ишколе
«Бовза хьай ди» яха хаттарий кхетаче дӏахьош хилар Эккажкъонгий-Юртарча № 5 йолча ишколе. Белгалде деза, дешареи ӏилмани гӏулакхех йолча Министерствон къаман дешарах болча оагӏоно йоаржаеш йола кхетаче тахан лоархӏаме, берашта дукха хӏама довзийташ йолга.
«10-11-ча классашка дешаш долча берашца дийцар бусалба ди бовзийташ долча хӏамаех. Белгалде деза, хӏара беро геттара раьза долаш хьаллоацаш беркате из хиннилга», - дийцар «Сердалога» министерствон болхлоша.
Кхетачен керттера декхар - берашта бусалба дин истори, цун кӏоаргенаш йовзийтар, дикача хӏаман тӏехьа цар дегаш сомадахар.
«Дин истори» яха курс хьаллоацаш йола из кхетаче каст-каста йоаржаеш хиларо кхувш латтача тӏехьенна боккха пайда бергболга теркалдир хьехархоша, хӏана аьлча хӏара берагара дукха хаттараш хилар кхетаче.
